Wala na makaabot nga buhi si Alex Beserel,hingkod ang panuigon ug molupyo sa naasoyng lugar human kini madumboli sa multicab nga may plakang GWV-334 nga gipanag-iya sa usa ka Warren Braganza nga taga Humayhumay dakbayan sa Lapu-Lapu.
Ang drayber sa multicab nga si Alfonso Monde Jr.,48, taga Sitio Gusa barangay Gun-ob, dakbayan sa Lapu-Lapu mitahan ngadto kang SPO1 Arestides Carillo human sa hitabo.
Sumala pa sa imbestigasyon kasamtangang nitadlas ang sakyanan ni Monde sa nahisgutang dapit dihang kalit nga milabang sa kalsada ang biktima wala na makabantay si Monde maong nahitabo ang disgrasya.
Gituuhang gawas sa pagbali-bali sa kabukugan ni Deserel napantok pa ang ulo niini sa kalsada hinungdan nga patay na kining nadangat sa Isidro Kintanar Memorial Medical Center.