Kini gumikan sa kabaga sa plantasyon sa katubohan sa maong lugar.
Gani matud pa ni provincial board member Jose Escolin Jr. nga matag adlaw makagaling og tag lima ngadto sa unom ka libo ka tonil nga tubo ang ilang bugtong sugar mill sa lungsod sa Roxas.
Maoy hinungdan nga sa iyang resolusyon, gidasig niya ang taga Capiz sa pagnegosyo og bioethanol karong misaka na pag-ayo ang presyo sa gasolina.
Iyang giawhag ang mga mag-uuma ug mga tag-iyag galingan sa tubo sa pagsagop ning maong negosyo aron nga makabaton silag maayong kinitaan.
Makahatag usab silag daghang trabaho sa mga molupyo ug mopaminus sa prisyo sa asukar.
Labaw sa tanan makatabang pagsagang sa prisyo sa gasolina ug krudo nga misaka na pag-ayo, matud pa ni Escolin.