Ang naangol mao si Quio-at, 24 anyos ulitawo nga nagpuyo sa Proper Agus sa nahisgotang barangay sa dakbayan sa Lapu-Lapu.
Si SPO2 Rolito Jumao-as sa Homicide Section sa kapolisan sa maong dakbayan nga gikahnabi sa Banat News ang miingon nga namauli na unta ang biktima uban sa mga higala.
Nanggawas na kini sa diskohan dihang kalit lang nga nahitabo ang rambol sa duha ka pundok sa mga batan-on ug hangtod nga milanog ang boto sa armas nga wala matino ang kalibre.
Gibati ang biktima og pamanahud sa iyang kalawasan hangtod nga namatikdan niyang nagkadugo ang tuong bahin niining paa.
Dugang pa ni Jumao-as nga ang mga barangay tanod sa maong dapit maoy unang nakatubag sa maong alarma apan ang mga batan-on nag-iyahay kini sa pagpanagan pahilayo sa maong dapit.
Dali nga gihatod ang biktima sa Mactan Doctor Hospital ug padayon kining giatiman sa mga mananambal.
Matud pa ni Jumao-as nga gihimo karon nila ang pakisusi sa pag-ila sa mga nagrambol nga mga batan-on aron gikan niini kanila ang mahibaw-an kon kinsa ang nagdala og armas nga maoy nakapusil sa biktima.