Ang hepe sa Cebu City Police Office nanagana nga dunay pagsaka sa krimen nga mahitabo nianang mga panahuna gumikan usab sa pagdagsang sa mga dayo.
Midugang si Gayotin nga usa sa mga bantayanan usab ning mga panahona ang umaabot nga South East Asian Games nga dunay duha ka events nga himuon dinhi sa Cebu City nga siguradong magtangag og daghang mga langyaw'ng delegado.
Ang dugang mga polis giplanuhang anha ibutang sa mga beat patrols sa matag police stations alang sa dinaliang dispatching sa matag hurisdiksyon sa ilang mga sakop sa mga dapit diin dunay mga panghitabo.
Base sa mga naunang mga kasinatian sa CCPO matag pasko mosaka usab ang gidaghanon sa mga insidente sa pagpanulis, panglabni, pagpaniyempo ug pagpanguot.
Si PRO7 Director Eduardo Gador sa unang pakighinabi nagkanayon nga dili lang ang Sugbo maoy nakasinati sa pagsaka sa krimen matag umaabot ang pasko kun dili lakip na usab ang ubang lugar ilabi na ang Manila.