Si Manuel Libre, hingkod ang pangidaron, ug lumolupyo sa Barangay Cantularoy lungsod sa Sibonga nasamdan sa iyang walang paa human kini gipusil sa usa ka Jose Meñoza.
Sigun sa imbestigasyon ni PO3 Arnold Abenir nga gikahinabi sa Banat News, sa wala pa nahitabo ang maong insidente adunay panagbangi ang suspetsado sa iyang asawa tungod kay hubog man kini.
Samtang naglingkod si Libre nga naghulat sa mga estudyante nga mosakay kalit siyang giduol ni Meñoza ug sa walay igong rason kalit kining gipusil ginamit ang wala masayring kalibre sa armas. Si Libre daling gidala sa Vicente Sotto Memorial Medical Center.
Human sa maong hitabo, duha ka oras na ang milabay giadto sa kapulisan sa maong lungsod ang balay ni Meñoza apan wala na kini hikaplagi ug gituohan nga miikyas.