Wa motungha tabangan - Aumentado

Bohol - Gibutyag ni Gobernador Erico Aumentado nga naningkamot karon ang iyang administrasyon pagtabang niadtong mga batan-on gikan sa kalungsoran nga wala na makapadayon sa ilang pagtungha.

Nalakip kini karon sa gipangitaan og sulbad ni Gobernador Aumentado human niya makita nga angayan matagad kining maong problema.

Giangkon sa gobernador nga ang pagdaghan sa wala na makapadayon sa ilang pagtungha kinahanglan mahatagan sa dinalian nga aksyon.

Nabalaka siya sa mahimong epekto unya niini kon dili kini mahatagan sa dinalian nga pagtagad.

Hinuon nagtinguha siya nga makapangayo og tabang gikan sa nasodnong kagamhanan.