Pasidaan pa ni Information Officer Janice Caballes sa SSS, nga usa ka tuig nilang gipahibawo ang maong programa sa SSS paghatag og pasaylo niadtong mga nakautang sa SSS sukad pa sa dugay nang panahon ug hangtod karon nga wala pa makabayad.
Sa maong condonation program, ang mabayran sa usa ka nakautang sa SSS mao rang principal kon lawas sa kuwartang iyang giutang ug ang interes niini matag buwan.
Dili na kwentahon kadtong mga tubo matag buwan, tungod kay gihatagan og pasaylo sa kagamhanan ang maong surcharges pinaagi sa condonation program.
Matud pa ni Caballes nga dili permanente kining maong programa kay sa matag 10 ka tuig kausa ra ang SSS mohatag ning maong kahigayonan.
Ang maong pasidaan ni Caballes gihimo gumikan sa daghang pangutana kon may ektension ba nga laing petsa ang maong programa.
Gitug-an ni Caballes nga dili unta kaayo bug-at ang unsa mang bayronon sa usa ka miyembro sa SS kon makapahimulos siya sa maong programa kay gawas nga mahimo ra siyang mobayad og P500 ang iyang bayranan sa iyang nautang gikan sa nangaging katuigan kutob sa buwan sa Septiyembre mao ray kuwentahon ang lawas kon principal ug ang tubo niini, way labot sa surcharges.