Ang maong taxi gimaneho ni Rodrigo Caro 43-anyos kinsa matud niini nga gikan siya sa barangay Mohon nagkarga og pasahero nga natunok sa lansang ug ihatud unta niya kini sa hospital dinhi sa siyudad.
Mihunong siya diha sa nahisgutang lugar diin mahitabo ang insidente tungod kay stop ang signal sa traffic light apan mikalit lang pag-aso ang makina sa maong taxi hinungdan nga iya kining giablihan.
Sa iyang pag-abli misilaob na ang kalayo didto sa makina ug nasilaban ang iyang buhok hinungdan nga mipalayo na lang siya sa sakyanan para dili siya maangol.
Naapil sa pagkaugdaw ang lisensiya ni Caro ug ang sobra sa P300.00 nga kinitaan niini.
Ang pasahero niini dali nga mikanaog og mibalhin ngadto sa laing sakyanan.
Sobra sa usa ka oras ang pagkabara sa trapiko diha sa maong lugar tungod usab sa mga osyosero nga nanan-aw sa maong insidente.
Ang maong mga nanguryuso nagkaalibwag og panagan pahilayo sa lugar tungod kay mibuto man ang sakyanan.
Napawong sa kabomberohan singko minutos ang kalayo gikan sa ilang pagresponde sa maong sunog.