Ang nahisgutang residente nagduda nga ang maong sakyanan gamiton ni Belleza sa mga personal nga lakaw niini.
Usa ka Sportivo nga color itom ang gigamit karon ni Belleza nga iyang service vehicle.
Apan matud pa ni Belleza nga naa siyay exemption paggamit og security plate alang sa iyang seguridad diin aduna siyay mga hulga nga mga nadawat sa iyang kinabuhi.
Matud pa niya nga ang maong sakyanan mahimo kini nga gamiton sa ubang mga opisyal, apan makig-coordinate lang kini ngadto sa iyang buhatan.
Si Belleza mihagit ngadto sa mga tawo nga mireklamo batok kaniya nga paadtuon ngadto sa iyang buhatan tungod kay iyang tubagon ang mga reklamo niini.
Ang nahisgutang sakyanan adto igrahe ni Belleza sa fire station sa city hall sa siyudad panahon nga mag-out of town kini.
Adto kini igrahe sa ilang balay kun wala siyay biyahe ngadto sa laing lugar para magamit niya kini panahon sa emergency.
Si Belleza mipasangil nga adunay personal nga kasuko ngadto kaniya ang nahisgutang mga mireklamo.
Si Flordeliza Monceda, officer in charge sa Land Transportation Office (LTO) sa Talisay, nagkanayon nga niadtong buwan sa Mayo niining tuiga si Belleza adunay gisugo nga tawo para mangayo og authority para paggamit og security plate.
Apan gipa-forward ni Monceda ngadto sa buhatan sa LTO Region 7 ang hangyo ni Belleza.
Gitawagan sa Banat News kagahapon sa hapon ang buhatan ni Atty. Vicente Gador, officer in charge sa Operations Division sa LTO 7 pagkompirma kun duna na bay authority si Belleza para sa security plate apan dili ma- contact ang telepono niini.