Si Osmeña mipresentar ngadto sa mga sakop sa media sa nakuha nga botos ni Presidente Arroyo sa barangay Ermita niadtong milabay'ng eleksiyon diin midaog kini batok sa kaatbang niini nga si FPJ sa nakuha nga botos nga 1,433 itandi sa kang fpj nga duna lay 1,264.
Matud sa mayor gawas sa ilang pagkampanya sa presidente nidaog kini sa maong barangay tungod sa pasalig niini sa mga molupyo nga hatagan og luna nga maoy tukoran sa publikong tunghaan sa elementarya nga pabarugon sa maong lugar.
Gihulagway sa mayor nga ang maong pasalig maoy usa sa nakapadaug sa presidente sa maong barangay ug apil na ang mga gipangsaad niining programa sa Sugbo ug angay lang nga ipatuman kini sa presidente.
Nipasumbingay si Osmeña nga bisan si Lito Osmeña nga milansar pagka presidente batuk ni kanhi presidente Joseph Estrada niadtong 1998 ang gipildi kini sa maong barangay nga nakakuha lang ug 628 botos batuk kang Estrada nga mihipos ug 1,203.
Ang siyudad sa Sugbo mipasalig nang mohatag og P17milyones alang sa pagtukod ug mga school buildings kon ma-donar na sa barangay Ermita ang luna sa nasudnong kagamhanan diha duol sa Campania Maritima sa pier area.