Ang biktima giilang si Floro Rosales,hingkod ang panuigon ug molupyo sa barangay Casay ug tag-iya sa King Tex Trucking sa naasoy'ng lungsod wala makapiyok sa nag-inusarang tulisan nga nagtaptap og panapton sa nawong ug armado usab og wala matinong kalibre sa armas.
Si Rosales nagnegosyo sa buy and sell nga paagi diin siya mamalit dinhi sa dakbayan ug dad-on ngadto sa ilang lugar aron didto ibaligya ug mamalit usab og mga produkto gikan sa kaumahan aron mao usab ang iyang ibaligya sa siyudad.
Sigun pa ni SPO3 Benjamin Villahermosa sa pakighinabi sa Banat News ang biktima kasamtangang nakigtransaksyon sa paliton unta niining kopras dihang kalit nga giduol sa nagmaskarang lalaki kinsa mition kaniya og pusil ug mimando kaniya sa paghapa sa yuta.
Pugsanong giilog sa suspek ang bag sa biktima nga may sulod nga P28 mil ug daling miikyas sa lugar. Wala makatabang ang iyang mga truckboy helper gumikan kay layo ang gibinlan sa iyang trak.
Nagtuo si Villahermosa nga taga diha ra sa maong lugar ang suspek nga nasuhito na sa kalihukan sa biktima .