Kadalanan palapdan

Tagbilaran City - Tinguha karon sa mga opisyal ning dakbayan nga mapalapdan ang hagip-ot kaayo nga kadalanan sa ingon mao kini ang makahatag og sulbad sa problema sa trapiko.

Si Mayor Dan Neri Lim mipahibawo niini atubangan sa mga magpapatigayon nga nagbase sa dakbayan.

Matud pa ni Mayor Lim nga nasayod sila nga usa sa dakong problema karon sa dakbayan mao ang kahuot sa dagan sa trapiko.

Gipasabot sa mayor nga kaniadto pa kini nga problema nga wala gayod mahatagi og kasulbaran.

Masaligon si Mayor Lim nga usa kini sa iyang masulbad ra kining problemaha pinaagi sa pagpalapad sa kadalanan.

Nagkinahanglan hinuon kini og gahin apan masaligon si Mayor Lim nga mahatagan gayod kini gihapon og kasulbaran.