Samdan sa walang kilid nga milapos sa tuong bahin sa lawas si SPO1 Oscar Seaton, molupyo sa maong lugar ug nadestino sa Mandaue City Police Office human pusila sa suspek nga nailhan sa ngalan nga Tata Oca molupyo sa maong dapit ug notadong tulisan sa South Reclamation Project.
Base sa imbestigasyon sa kapolisan sa Talisay si Seaton gipukaw sa mga silingan gumikan sa pagpanghasi ni Oca sa dapit ug manion kini og armas ni bisan kinsa nga iyang makit-an.
Sa pagsubay ni Seaton sa dapit iyang nakit-an ang suspek nga naghupot og kalibre 45 pistola nga gition sa usa sa mga residente maong iya kining gibadlong apan nagmagahi ang suspek hinungdan nga gipusil kini sa polis.
Apan wala mobuto ang iyang armas nga kalibre 9mm gumikan kay naka-safe-mode kini maong siya hinuon ang napusilan sa suspek.
Wala matagbaw ang suspek gipunit ang pusil sa polis ug maoy iunay unta kang Seaton apan wala gihapon mibuto kay naka-safe mode gihapon kini.
Dihang nangabot ang mirespondeng polis nga sila si SPO1 Edgar Causon daling miikyas ang suspek uban sa igsuon niining si Wilbert Oca pauli, apan naabtan ang suspek diha sa piot nga agianan sa mga polis nga miresulta sa panaglayog ug pagkailog sa armas nga kalibre .45 paltik pistola nga may pito ka buhing bala ni Oca, apan dili ang armas ni Seaton. Apan ang magsuong Oca nakadagan ug naka-eskapo sa ginukdanay.
Ang managsuong Oca maoy gidudahang responsible sa mga insidente sa pagpanulis sa South Reclamation Project (SRP).