Ang gidakop giilang sila si Jerry Linabog, 25, igsuon sa gidudahang pusher nga si Rey Linabog, ug mga silingang sila si Manuel Orbiso, 46, ug Virgel Desabillo, 22, pulos mga lumolupyo sa naasoy'ng lugar.
Ang grupo sa Criminal Investigation and Detection Group 7 pinanguluhan ni Sr.Inspector Richard Caballero armado sa search warrant nga giisyu ni RTC Branch 13 Judge Menrado Paredes sa kasong paghupot ug pagpamaligya og drogas batok kang Rey Linabog.
Apan wala diha si Linabog nianang orasa ug ang tulo maoy naabtan sa kapolisan apan nakuhaan diha sa panimalay og 20 ka medium size nga paketeng mga gidudahang shabu hinungdan sa pagkasikop kanila.
Lakip sa nakuha mao ang mga kahimanan sa pag-repack, mga shabu paraphernalias.
Sumala pa sa CIDG7 nasubay sa gihimong duha ka semanang surveillance nga gikan sa Barangay Pasil ning dakbayan sa Sugbo ang maong mga drogas.