10 pusher nasikop

Gitanggong karon sa sulod sa selda sa bilanggoan sa dakbayan sa Mandaue ang napulo ka tawo nga nadakpan atol sa raid sa kapolisan tungod sa kalambigitan sa pagpayuhot og ginadiling drugas sa managlahing takna ug dapit.

Ang gitanggong sa bilanggoan mao sila si Aldrin Somosot, 31 anyos, taga Zone Okra Paknaan, Mario Resurrection, 32, taga Santo Niño, Guizo, Roland Marikit, 32, minyo, taga Mantuyong, Gelacio Balighot, 38, Roel Melencio, 25, taga Nangka, Consolacion, Maria Fe Paypa, 27, taga Carreta sa dakbayan sa Sugbo, Jiffy Daan, 19, taga Basubas, Tipolo, Rodrey Recaplaza, taga Orel Banilad ug Marvin Rimo, taga Orel Banilad sa dakbayan sa Sugbo.

Ang maong gidaghanon sa mga nakalapas sa Akta Republika 9165 nadakpan kini sa team sa kapolisan nga naghimo og bulag nga operasyon.