Nakadayeg og balik si Osmeña pagbutang og resident Ombudsman sa City Hall aron maoy tahasan pag-imbestigar sa mga reklamo batok sa mga kawani sa dakbayan.
Nasayran nga kapin na sa usa ka tuig nga mi-resign si retired Major Romeo Cordova nga maoy gitudlo kaniadto sa mayor nga resident Ombudsman sa dakbayan.
Giplanohan sa mayor nga ang pundok sa Akbayan maoy iyang tanyagan nga magsilbing resident Ombudsman sa dakbayan ug anaa lang sa mga sakop sa maong pundok ang pagpili kon si kinsa maoy ilang irekomendar.
Mipadayag og kaandam ang mayor nga i-deputize ang tanang miyembro sa Akbayan nga maoy mohupot sa maong posisyon.
Gipasabot ni Osmeña nga kini gitumong aron gyud makapatunhay ang transparency sa balay-lungsod nga gitumong aron hinayhinay nga masumpo ang naghitak nga korupsiyon sa City Hall. - Darrel Carumba BODY: