Tarongoy luwas na sa mga Iraqi

Human sa walo ka bulan nga pag-antos diha sa mga kamot sa militanteng Iraqi gibuhian na ang Pilipinong overseas Filipino worker nga si Robert Tarongoy.

Si Tarongoy kinsa lumad nga taga Davao City gianunsyo ni Presidente Gloria Arroyo atol sa iyang pagbisita dinhi sa Sugbo nga gibuhian na sa mga militanteng Iraqi didto sa Iraq.

"Tarongoy is in the hands of the Philippine Iraq Crisis Team headed by Foreign Affairs Undersecretary Rafael Seguis," matud pa ni Arroyo atol sa press conference kagahapon.

Nagtrabaho isip usa ka company accountant si Tarongoy sa usa ka Saudi company nga naghatag og serbisyo didto sa Iraq dihang nahitabo ang pagpanignit.

Ang mga kabanay ni Tarongoy didto sa Davao gipaabot nga mosugat unya didto sa kauluhan sa gitakdang adlaw nga pagbalik niini.