Sa maong kadaugan maoy iyang nadawat ang ganting salapi nagkantidad og P20,000 nga gitunol ngadto kaniya ni Mayor Thadeo Ouano atol sa awarding ceremony nga gipahigayon sa Heritage Plaza niadtong Biyernes sa hapon.
Gitambongan sa mga sakop sa committee sa kalihokan sa Mantawi Festival ug giabagan kini sa pipila ka mga kawani niini ug department head.
Makita sa midaug nga hulagway ni Torrejos ang Tribu Kalagnon sa Surigao del Norte atol sa gihimong pagparada niini diin ang usa sa mga sakop niini naggunit sa imahen ni Senyor San Jose.
Si Torrejos nga gikahinabi sa mga tigbalita ang mipadayag sa kalipay sa maong kadaugan nga iyang naangkon sa maong tigiay nga gipasiugdahan niining tuiga sa maong dakbayan atol sa kasaulogan sa Mantawi Festival.
Matud pa niya nga nahingangha kaayo siya ug daw wala gilayon siya makatuo nga maangkon niya ang maong kadaugan.
Ang laing midaug mao si Alnoe Paller sa Cebu Daily News kinsa maoy nakaangkon sa unang ganti sa land mark category ug ikaduhang mananaug si Nas Laguna sa solemn procession category, Alex Atillo ang ikaduhang ganti ug Erwin Lim sa ikatulong ganti.