MANILA, Philippines – Muling nanaig si Lani Cayetano upang pamunuan ang lungsod ng Taguig matapos siyang iproklama ngayong Miyerkules.
Nakakuha ng 122,824 na boto si Cayetano upang talunin ang karibal nitong si Rebecca "Rica" Tinga na may 74,009 lamang.
Kaninang 2 ng madaling araw ipinorklama si Cayetano matapos ang bilangan ng Commission on Elections.
Wagi rin naman ang running mate ni Cayetano na si Ricardo Cruz para sa pagka bise-alkalde ng lungsod.
Mayroong 325,498 na botante ang Taguig sa 28 barangay.
Tumakbo si Cayetano sa ilalim ng Nacionalista Party, habang dinala naman ni Tinga ang bandera ng Kilusang Diwa ng Taguig (KDT).
Samantala, nanalo rin ang bayaw ni Cayetano at direktor na si Lino Cayetano para sa ikalawang distrito ng lungsod.