MANILA, Philippines – Labinsiyam - katao ang iniulat na nasugatan makaraang araruhin ng pampasaherong bus ang gasolinahan sa highway ng KM 6, Buhangin Diversion Road sa Davao City kamakalawa ng umaga. Nasa Davao Medical Hospital ang mga sugatang biktima kabilang ang 18-pasahero at drayber ng bus. Sa inisyal na ulat na nakarating sa Camp Crame, patungong Davao City ang Isuzu Bus Doris Liner (LWL 122) ni Amelito Banda nang mawalan ng preno kaya sumalpok sa gasolinahan. Matapos salpukin ang gasolinahan ay inararo rin ng bus ang TLCO hardware na ikinasugat ng drayber at mga pasahero. Joy Cantos