KIDAPAWAN CITY – Libu-libong ektaryang pananim sa may 18 barangay sa bayan ng M’lang, North Cotabato ang sinalakay ng balang (stem borer) may ilang araw na ang nakalipas.
Aabot sa P5 milyon palayan ang apektado ng tamasok (wikang Ilonggo para sa stem borer), isang uri ng peste na umaatake sa mga palayan, ayon kay Noemi Nicolas, municipal agriculturist ng M’lang.
Agad naman isinailalim sa state of calamity ang bayan ng M’lang kabilang na ang mga Barangay Pulang Lupa, Buayan, New Janiuay, New Barbasa, Lepaga, Inas, Langkong, Lika, Luz Village, Pag-asa, New Antique, Tibao, Bialong, Magallon, Sangat, Dugong, Dalipe at ang Barangay Kalunasan.
Nasundan pa ng matinding tagtuyot ang nasabing bayan noong Abril at Mayo, samantalang noong nakaraang linggo ay binaha naman ang ilang bahagi ng M‚lang. (Malu Cadelina Manar)