Ang bongga naman ng girlfriend ng aktor na si John Lloyd Cruz na si Isabel Santos na hindi nakalimutang batiin ang karelasyon noong Father’s Day.
Ipinost ng visual artist ang mga litrato ng aktor kasama ang anak nito kay Ellen Adarna na si Elias. Makikita ito sa mga photo na lumalangoy kasama si Elias at pati na rin ang bonding nila sa art gallery. “Happy Father’s Day behbeh,” caption ni Isabel bilang pagbati roon.
Maaalalang nagsimula ang ispekulasyon ng netizens na may relasyon ang dalawa noong taong 2021 at nakitang nagselebreyt ang aktor kasama ang mga Happy ToGetHer cast noong taong 2022.
Noong taong 2023 naman kinumpirma ni John Lloyd ang relasyon nila ng artist.
Madalas ding mag-bonding ang magkarelasyon kasama si Elias.
Kung ang ex ng aktor na si Ellen ay magkakaanak na diumano sa mister na si Derek Ramsay, siguradong hinihintay na rin ng netizens kung kelan magpo-propose si Lloydie kay Isabel na mukhang sa altar na rin patungo ang relasyon.