LOS ANGELES — May bago na namang head coach ang Lakers.
Hinirang si dating NBA guard J.J. Redick bilang bagong mentor ng 17-time champions kapalit ni Darvin Ham na sinibak matapos silang patalsikin ng Denver Nuggets sa first-round playoffs.
“This process has been surreal to say the least,” wika ni Redick, isang 15-year NBA player na naging ESPN analyst noong 2021. “I take this responsibility very seriously. I have never coached in the NBA before. I don’t know if you guys have heard that.”
Sa ilalim ni Ham ay tumapos ang Lakers, pinamunuan nina LeBron James at Anthony Davis, na may 47-35 record sa nakaraang season bago nasibak ng Nuggets sa opening round ng playoffs.
Sa kanyang NBA playing career ay naglista si Redick ng mga averages na 12.8 points, 2.0 rebounds at 2.0 assists sa 940 games mula 2006 hanggang 2021 para sa Orlando Magic, Milwaukee Bucks, LA Clippers, Philadelphia 76ers at New Orleans Pelicans.