Week 3 ng VNL hahataw ngayon sa MOA

Russell Cadayona(Pilipino Star Ngayon)

June 18, 2024 - 12:00am

Ang mga team captains na sina (itaas, mula sa kaliwa) Ricardo Lucarelli (Brazil), Nicholas Hong (Canada), Milad Edadipour Gharahassanlou (Iran), Yuki Ishikawa (Japan), Nimir Abdel-Aziz (Netherlands), Micah Chirstenson (USA), Benjamin Toniutti (France) kasama sina head coaches Bernardo Rezende (Brazil), Toumas Sammelvuo (Canada), Roverto Piazza (Netherlands), Michal Winiarski (Germany), Payman Akbari (Iran), Philippe Blain (Japan), Andrea Giani (France) at John Speraw (USA) sa press conference kahapon.

Russell Palma

MANILA, Philippines — Walo sa elite men’s volleyball teams sa buong mundo ang hahataw sa third at final week ng Volleyball Nations League (VNL) sa MOA Arena.

Magtutuos ang World No. 13 Netherlands at No. 4 Brazil ngayong alas-5 ng hapon kasunod ang salpukan ng No. 12 Canada at No. 3 Japan sa alas-8:30 ng gabi.

Opisyal na bubuksan nina Presidential son Vincent Marcos at business tycoon/sports patron Manny V. Pangilinan ang Week Three sa pagitan ng dalawang laro.

Dadalo rin sa event sina Philippine National Volleyball Federation president Ramon Suzara, Senators Pia at Alan Peter Cayetano, Department of Tourism Secretary Cristina Frasco at Philippine Sports Commission chairman Richard Bachmann.

Bukas ng alas-3 ng hapon ag magkikita ang No. 11 Germany at No. 7 France kasunod ang laban ng No. 5 USA at No. 17 Iran.

Nasa Top 8 ng VNL standings ang France (No. 4), Japan (No. 5), Brazil (No. 6) at Canada (No. 7) sa ilalim ng No. 1 at reigning world champion Italy, No. 2 Slovenia at No. 3 Poland.

“Volleyball has made huge strides in the country in the past few years and we strive to continue to perform,” sabi ni Suzara.

SPONSORED ARTICLES