Marami sa ating mga mamamayan
Laging nagra-rally sa mga lansangan;
Sila’y tumututol na tayo’y tulungan
Ng American forces sa bagong labanan!
Sana’y huwag mangyaring tayo ay lusubin
Ng pwersang malakas sa armas at galing;
Sa totoo lamang, itong bansa natin
Ay walang magagawa kahit na sa lasing!
Kung tayo’y digmain ng mga kalaban
Anong magagawa ng ating militar?
Kokonti ang ating sundalong katihan
At kulang sa armas itong ating bayan!
Kaya huwag sanang ang ating publiko
Huwag nang kumilos kontra Amerikano;
Ang dapat hangarin ay lumakas tayo
Na kayang labanan kalabang dayo!