Giliw pagmasdan mo ang ulilang buhay
Lalo pang nalungkot lalo pang nalumbay,
Pagkat ang totoo’y lubos kitang mahal
Ngunit ako’y hamak na isang yagit lang
Eden ka ng pusong walang paraiso
Sapagka’t sa iyo nadarama ko
Ang isang pagsintang laan lang sa iyo
Pag-ibig na tapat hindi magbabago
Lubhang mabango ka sa mga bulaklak
Kaya ang dusa ko’y lalo pang nagnaknak
Paano’y talos kong sa dusa ay sadlak
Sapul nang makita at kita’y mamalas
Ikaw tanging ikaw gandang diwata
Ang laman ng puso ang laman ng diwa
Hamak na bigkasin sa mga salita
Ang aking pagsuyong wagas at dakila