ZAMBOANGA CITY, Philippines —Siyam na gold medal ang nilangoy ng mga kadete ng Philippine Army sa swimming competition ng 2nd Philippine Reserve Officers Training Course (ROTC) Games 2024-Mindanao Qualifying Leg kahapon dito sa Joaquin Enriquez Memorial Sports Complex Swimming pool.
Humakot ng tig-dalawang ginto sina Jovaira Valle at Jellie Somera sa women’s event at si Ronnie Tayom sa men’s division.
Wagi si Valle sa women’s 200m IM sa itinalang 4:13.62 minuto at sa 50m butterfly sa bilis na 45.30 segundo.
Nagdomina si Somera sa women’s 100m freestyle (1:22.38) at sa 50m backstroke (41.55).
Panalo naman si Tayom sa men’s 200m IM (3:07.02) at sa 50m backstroke (37.04).
Ang ibang nakakuha ng ginto para sa Army ay si Reymond Pelisan sa men’s 100m freestyle.
Si Al Jhaes Haji ng Navy ang nakakakuha ng tatlong tingo sa men’s 200m IM, 50m butterfly at 50m backstroke.