MANILA, Philippines – Hindi nakita sa Batang Gilas ang pormang ginamit para talunin ang powerhouse China sa kanilang pagharap sa Japan na naging dahilan ng kanilang 66-73 pagkatalo upang maglaho ang tsansang manalo ng gold medal sa FIBA-Asia Under-16 Championship n aginaganap sa Britama gym sa Jakarta, Indonesia.
Tila walang gana ang Nationals, pumangalawa sa Group F na humarap sa Japan, pumangatlo sa kabilang grupo taglay ang 3-2 (win-loss) card, kaya na-tambakan sila ng 23 points sa third quarter at naghahabol ng 19 puntos papasok sa final canto.
Ngunit nakabawi ang mga Pinoy upang makalapit ng hanggang pitong puntos sa basket ni Ateneo high school standout SJ Belangel, 1.32 minuto na lang ang natitira.
Ngunit hindi na pinaporma ng Japan ang mga Pinoy sa mga sumunod na tagpo upang isaayos ang semifinal showdown kontra sa Chinese Taipei na nanatiling koponang walang talo sa torneo matapos ang 88-39 demolisyon sa Thailand.