CEBU, Philippines - Human sa malampusong Xterra Philippines Championship didto sa Liloan, lain na sab nga triathlon race nga uloha'g "ATO-ATO Tri" ang ipahigayon karong Marso 26 diha sa Seafront Beach sa nahisgutang lungsod.
Lahi sa Xterra Philippines, ang maong lumba wala mosaad og bonggang premyo ug tumong lang niini mao ang paglingaw sa triathletes, dili lang sa mga elite kun dili hasta usab sa mga beginners.
Gipasiugdahan sa triathlon enthusiasts nga sila si John Dandan ug Dindz Bartolabac, ang lumba naglatid og 750 swim, 20km. bike ug tapuson sa usa ka 5km run.
Niadtong interesadong mosalmot, ang registration fee nagkantidad og P100 ug mahimong magparehistro sa adlaw na mismo sa lumba.
Alang sa dugang impormasyon, mahimong mobisita sa www.sugbutriathlon.com (BANATSPORTS)