CEBU, Philippines - Nahikay na ang tanan alang sa Cebu Doctors' University College of Dentistry Alumni Association's 2nd Dental Fun Run karong Domingo diha sa CDU grounds sa dakbayan sa Mandaue.
Ang nag-unang lima ka runners sa 10K, 5K ug 3K CDU-CD alumni divisions makadawat og ganti matag usa.
Makadawat sab ang top performers sa 10K ug 5K divisions og sapatos gikan sa Transformers, usa sa mga event sponsors.
Gawas sa mga medalya ug sertipiko, ang kampiyon sa 10K mobulsa og P3,000, ang second placer makadawat og P2,000, samtang ang third placer makaangkon og P1,000.
Sa 5K, ang top three finishers makadawat og P2,000, P1,500 ug P1,000 matag usa.
Certificates ug give-aways ang madawat sa top performers sa 3K CDU-CD Alumni category.
Sa laing bahin, ang oldest runner gantihan og backpack gikan sa Goodyear ug payong, samtang ang youngest runner makadawat sab og backpack ug t-shirt.
Ang "Fun Smile of the Day" winner makadawat og Colgate gift pack ug ang best in costume makadawat og gym bag, t-shirt ug key chain.
May raffle sab alang sa non-winners lakip na ang mga produkto gikan sa Colgate, White Flower, Goodyear, Sunsport volleyball ug basketball ug gift certificate sa The Spa at Cebu.
Ang tanang partisipante makadawat sab og snacks gikan sa Margie's Bread House, St. James Mineral Water ug Gatorade. (BANATNEWS)