Ang Blue team ubos sa pagpangulo ni Punta Princesa barangay captain Joe Navarro maoy nakampiyon sa Father and Son division dihang ilang gipilde ang team nga Tito Dimitiman-Green five sa iskor nga 98-80 sa Punta Princesa Sports Association (PPSA)-Guardo Summer Cup basketball tournament sa miaging gabii didto sa Vicente Sotto Memorial Gym.
Si Navarro miposte og game-high 26 puntos diin ang 14 iyang nahimo sa katapusang kuwarter aron paglansang sa maong kadaugan.
Sila si Michael ug Mark Reeve Arias nagkumboya og 32 puntos, samtang si Ric Arias ug ang anak niini nga si Nelnel nagkumboya og 26 puntos.
Si Jundy Dimitiman maoy nangulo sa pilderong Green uban ang 18 puntos.