Hindi nahirapan si Arce na tapusin ang laban at walang nagawa si referee Jay Nady ng Estados Unidos kundi ihinto ang laban. Halos hindi man lang na-pressure ang tatlong hurado na kinabibilangan nina Ray Hawkins ng Texas, Peter Trematera ng Florida at Gary Ritter ng Oklahoma.
Bagamat alam ng karamihan na may kabigatan din ang mga kamao ni Gamboa, marami rin ang nag-sabi na mahihirapang talunin ng laking Negros at Cebu ang premyadong si Arce.
Ngayong naging masaklap ang kinahanatnan ng kanyang laban, inaasahan na magreretiro nang tuluyan si Gamboa, na minsan ay naging champion ng World Boxing Association minimumweight division mula Agosto 2000 hanggang Disyembre 2000.
Sakali mang tapusin na nga ni Gamboa ang pag-boboksing ay maaalala siya sa kanyang mga laban kina Venezuelan Noel Arambulet, Thai Saman Sor Jaturong, Thai Phichit Chor Siriwat at maging kay Japanese Keitaro Hoshino.
Si Gamboa ay nagsimulang mag-boksing kasama nina Gerry Peñalosa, Ala Villamor, Jun Gorres at Andy Tabanas.
Bukod sa Mexico City, ang mga iba pang lugar na kung saan napalaban si Gamboa ay sa Caracas (Venezuela), Japan, Las Vegas at Koh Samui at Maha Sarakam sa Thailand.
Kasama ni Gamboa sa Mexico City sina trainer Juanito Ablaca at Japanese manager Joe Koizumi.