Tulo ka amahan kang kansang mga anak malipayong misaulog sa Father’s Day adtong miaging Hulyo 19, pulos “confirmed and certified” nga mga gay kon bakla.
* * *
Miangkon sa walay paglipud-lipud sila si Larry, Cesar ug Joe (dili tinuod nilang ngalan) nga sila bakla as in bakla gyud. Apan lalaki as in lalaki gyud inig siping sa ilang masigkamisis.
* * *
Minyo sila dili kay living-living lang ug kini, matud pa ni Larry, maoy ilang gipanghambog ngadto sa mga nagpuyo-puyo lang nga magtiayon.
* * *
Si Larry, 44, taga Mandaue, adunay mauswagon nga beauty parlor diin dunay tulo ka kawani nga mga bading usab.
* * *
Duna siyay duha ka anak nga pulos na nakahuman og short courses ug duna nay mga trabaho. Pulos lalaki ug tunay nga lalaki.
* * *
Si Cesar, 48, taga Marikina City apan napadpad sa Sugbo sa rason nga dili niya itug-an. Ang iyang palangitan-an mao ang paghimo’g mga furniture cover nga ginansilyo.
* * *
Si Joe, 38, usa ka tinidor de libro kon bookkeeper sa negosyo sa iyang ginikanan. Duha ka buok iyang anak nga nagtungha pa sa high school.
* * *
Si Larry, Cesar ug Joe una pang nagkaila niadtong Hulyo 19 atol sa meeting sa mga third sex daddy. Tak-um pa ang ilang mga baba kabahin sa katuyuan sa maong meeting nga dunay bulok politika.
* * *
TRIVIA -- Daghang salamat ngadto sa atong mga magbabasa diha sa Ormoc City diin daghan kita’g mga tipaluyo.