Gihimo ang mga negosasyon pakyas. Gisuwayan ang gitawag nilang peace covenant tali sa mga lider sa duha ka pundok apan gisalikway gihapon.
Bisan ang atong mayor mipataliwa sa duha ka frat aron lang makab-ot ang kalinaw tali kanila ug sa siyudad usab apan mao gihapon ang resulta palpak.
Adtong miaging pipila ka gabii nagka-engkwentro nasab ang duha ka pundok sa Naga -- atol sa kapistahan sa lungsod -- ug sa makausa pa dunay pagpamusil nga nahitabo. Usa ka sakop sa Akrho gipusil sa usa ka sakop sa Tau Gamma.
Unsa na man lay himuon sa kagamhanan, lakip na ang kapolisan, aron mabugto kun maundang kining walay hinungdan nga panagribal sa duha ka fraternity?
Naay pipila ka mga sugyot apan pulos kini supak sa balaod. Iampo na ba lang kaha nato sila ngadtos Kahitas-an!