Ang motibo
Mahinangpon kaayo ang kura paroko nga miabi-abi sa usa sa iyang mga parokyano nga nibalik na og simba sa iyang parokya. Iya kining gipangutana: "Nibalik lagi ka na karon og simba? Kini tungod ba sa akong mga sermon og wali? Ang parokyano mitubag: "Dili sa imong wali padre, kondili sa kasaba sa akong asawa!"
Dili sa tanang higayon nga ang kinatibuk-an sa tawo mosimba. Ang uban nisimba tungod kay napugos o dili ba kaha dunay gikahadlokan. Ingon ini ba diay ang atong pagtan-aw sa Misa? Mosimba unta kita dili tungod kay napugos kondili tungod sa atong dakong gugma ngadto sa Dios.