Usapang hayop

ANG mga hayop ay bahagi ng buhay sa kanayunan. Ito ang dahilan kaya maraming salita na inihahalintulad sa mga hayop. Ito ay maaaring tulad sa itsura o ugali. Kailangang maintindihan ito para masundan ang usapan sa nayon.

• Kambing – patungkol sa playboy o maraming nililigawan.

• Boses langgam – pabulong kung magsalita.

• Bitukang manok – paikut-ikut o makurba.

• Matang pusa – singkit na tao.

• Matang manok – bulag sa gabi o nahihirapang makakita sa gabi.

• Matang hito – kirat ang mata.

• Matang hipon – mga matang kulay asul.

• Buntot pusa – ang buhok sa batok ay parang buntot ng pusa.

• Buwayang lubog – tao na maraming sekreto o lihim.

• Kaliskisan – suriin ang asal ng isang tao.

• Babuyin – tawag kung wawalanghiyain.

• Kulasisi – kinakasama o kabit ng lalaki.

• Kiti-kiti – magaslaw kung kumilos.