MANILA, Philippines - Dahil sa umano’y ka lungkutan sanhi ng break-up sa kanyang boyfriend, isang guro ang nagpasyang magpakamatay sa pamamagitan ng pagbigti sa sarili sa lungsod Quezon kamakalawa.
Dead-on-arrival sa Veterans Memorial Medical Center (VMMC) si Rina Sebastian, 24, ng Brgy. Pagasa ng nasabing lunsod.
Ang biktima ay nadiskubre ng kanyang tatay na si Rolando Sebastian habang nakabitin gamit ang isang kumot sa loob ng kanyang silid bandang alas-9 ng gabi.
Ayon kay Mang Rolando ang break up nito sa kanyang nobyo nitong nakalipas na Mahal na Araw ang posibleng dahilan nang pagpapakamatay ng kanyang anak.
Sinasabing simula ng magkahiwalay ang dalawa ay naging malulungkutin na ang guro. Nagsasagawa pa rin ng imbestigasyon ang QCPD sa nasabing insidente.