Walay hunong ang pagtuktok ni Analie sa pultahan ni Glo. Gipatago ni Glo si Mar sa aparador nga sudlanan sa iyang sinena. Wala na magsul-ob pa si Mar sa iyang sapot ug gibitbit ra niya ang iyang karsones ug T-shirt.
“Analie, walay problema uy, nagdamgo ra ko,” matud ni Glo dihang nakasul-ob na sa iyang short pants ug T-shirt. Gibuksan niya ang pultahan apan wa na niya pasudla pa si Analie.
“Abi nako og naunsa ka Ate Glo kay nag-agulo ka man gud. Dungog kaayo sa akong kwarto,” matud ni Analie nga igo lang milili sa sulod. “Sige matulog nako og balik Te.”
Daw wala lang mabalaka si Glo, apan si Mar gipaningot pag-ayo nga miluklok didto sa aparador nga butanganan sa mga sinena ni Glo. “Gawas na diha, tua na si Analie,” hagawhaw ni Glo kang Mar.
“Kuyawa nako uy, abi ba nako’g masakpan ka na nga nagpasulod og lalaki dinhi sa imong kwarto. Sige mag-ilis na lang ko ug dili na ko magdugay pa,” giingnan ni Mar si Glo. Wala na motingog si Glo ug gitan-aw na lang ang radio announcer nga nagsul-ob sa iyang sapot.
Una nga migawas si Glo sa pultahan. Naniid siya dayon gisinyasan niya si Mar nga mogawas ug mainampingon ang ilang lakang nga nanaug sa hagdan. Gihagkan ni Mar ang mga ngabil ni Glo dihang migawas na siya sa pultahan.
Mipaingon dayon siya sa nahimutangan sa iyang motorsiklo nga gipasalipdan niya sa ubang mga gi-parking nga sakyanan. Nakita ni Glo nga giguroy ra ni Mar ang motorsiklo palayo sa apartment aron dili madungog ang pagpaandar niya sa makina.
Gisirhan ni Glo ang pultahan ug mibalik na siya pagkatulog. Dali ra siya nga gidagit sa katulogon kay luya ang iyang lawas sa pagsukol sa kumbati sa kama uban sa kinaham niya nga radio announcer.
Naghilab ang tiyan ni Mar samtang nag-drive siya sa motor mao nga mihapit siya sa dalan Sikatuna ug mi-order og sikwati sa usa ka sikwatihan. Giparesan niya’g tulo ka putos nga puto-maya.
Samtang nag-usap si Mar sa puto-maya, nakabantay siya nga diha pa sa iyang dila ang lasa dihang gisawom niya ang bilahan ni Glo. Hilom siya nga nahimuot sa iyang gihimo ug sa iyang sitwasyon.
Tiaw mo, gikan pa siya nga nag-tsik-in uban ni Claire ug paggawas nila sa Kingsland motel, mideritso na usab siya sa apartment ni Glo ug lain na usab ang iyang gituhog. Apan diha sa huna-huna ni Mar nga ingon g’yud niana ang kinabuhi sa radio announcer nga tsikboy. (Sumpayan)