Kalampusan sa 'Bakekang' unexpected

Nagdahunog ang mga hagawgaw nga wala diay damha sa GMA-7 ang kalampusan nga naangkon karon sa ilang labing bag-ong soap drama nga 'Bakekang," hinungdan nga daghan ang nangutana kon indikasyon na ba kini nga napul-an na ang nasud nga Pilipinhon sa nagbaha nga fantaserye sa Kapuso network?

Kumbinsido usab ang mga kritiko nga ang Bakekang maoy hingpit nga naghimo ni Sunshine Dizon isip dramatic star busa angayan nga magpasalamat siya nga siya maoy gipili ni direk Carlo J Caparas nga maoy himoong bida, bisan og ang bugtong kasayuran sa naulahi sa background sa actress mao nga usa siya ka maayo nga child star kaniadto.

Nasayran sa PangMasa nga isip nagmugna sa Bakekang, si direk Carlo agig respeto konsultahon sa GMA-7 kalabot sa dagan sa istorya sa maong soap drama diha sa telebisyon. Kinahanglan usab siya nga pahibaw-on kinsa ang mga artista nga modala sa mga karakter nga iyang gigama kaniadto.

Nasayran usab nga walay pagsupak si direk Carlo nga himoong kaluha ang mga anak ni Bakekang sa TV version ug ang modala niini mao sila si Lovi ug Yasmien Kurdi.

John walay kontrata sa GMA-7

Sukwahi sa mga nanggawas nga taho, wala pa diay kontrata nga napirmahan si John "Sweet" Lapus sa GMA-7 apan masaligon siya nga tinud-on sa network ang tanan nilang gikasabutan nga gawas sa S-Files hatagan pa siya og usa ka sitcom ug usa pa ka show.

"Wala pa naman silang sinasabi sa akin kung ano ang papasukan ko pero tiwala naman ako sa kanila. Pero officially ay Kapuso na ako talaga kasi sunud-sunod ang guestings ko sa GMA at QTV. Ngayon lang ulit natataranta si Sweet sa schedules niya," pagtin-aw ni John ngadto sa PangMasa.

Subling gitin-aw ni John nga wala na siyay manager human mapupos ang iyang kontrata sa ABS-CBN Star Magic busa mahimo siyang modawat og projects bisan unsang orasa.

"Naghintay naman ako ng project, sister. Kilala mo ako. Hindi ako bibitaw kung alam kong wala na akong maaasahan pa," emote ni Sweet. "Noong malaman ko na wala na pala talaga, sige move on na tayo. Sayang naman ang mga dumarating na opportunities. Magmamalaki pa ba ako, eh ako nga itong walang trabaho? Kaya natuwa ako sa GMA-7 kasi maganda ang welcome nila sa akin. Feel na feel ko na Kapuso na talaga ako," sinserong pong ni John.