Matud pa sa mga paryente ni Karylle dinhi sa nasud ug ngadto sa abroad nga angayan ug parison kaayo ang duha.
Didto sa Las Vegas sa Amerika medyo gibati og kakulba si Karylle dihang iyang gipaila-ila si Dingdong ngadto sa iyang apohan nga lalaki.
Apan nawagtang ang maong kakulba dihang mga nindot nga komento sa pagdayeg ngadto ni Dingdong ang nadungog sa actress sa apohan niini.
Na-develop ang mga pagbati sa duha ka mga batan-ong movie stars sa wala pa magsugod ang fantasy series nga "Encantadia" diin ang duha nagkauban.
Tungod sa dakong pabor sa mga paryente sa actress ngadto ni Dingdong gilauman nga ang relasyon sa duha moluntad og dugay'ng panahon.