May mosalig kaha ni Rustom Padilla?

Pagbuwag nila ni Rustom Padilla ug Carmina Villaroel, milarga si Rustom paingon sa Amerika. Pipila ka tuig, mibalik siya dinhi nga daw sama sa usa ka beauty expert ug nagpahibawo nga duna siya'y negosyo alang sa pagpaanyag.

Milarga na usab siya sa Amerika, ug dili pa dugay, nahibalik na usab, apan niining higayona, niwang na kaayo siya ug dili na gyod siya ang Rustom nga nailhan sa katawhan nga usa ka himsog nga leading man sa pipila ka mga iladong leading stars sa Pilipinas.

Niining higayona, usab, mipahibawo siya nga gusto siyang magdumala og usa ka pelikula ug gusto niyang si Carmina maoy leading lady sa himoon niyang pelikula. Kon dili siya ang mo-produce sa nahunahunaan niyang proyekto, kinsa man kaha? May mosalig kaha kang Rustom?