Unsa ug asa naman ta karon?
Kagahapon lain man ang hugon- hugon
Nagsaka ba kita o ga us-os
Ayaw tugoti, pagbati ta nga mukyu-os...
Gisakit ko’g ayo atong sitwasyon
Ikaw ba migahin usab sa pagpamalandong?
Bisan makadiyot arun hinuklogan
Ang huyop sa atong kapalaran?
Gipangutana ko ikaw, ako tubaga
Magpakabuta, bungol ka nalang diay ba?
Nganong dili naman ka makadupa
Tungod ba, dughan lain mao’y nakapanag-iya...
Pero sige nalang, di man ako ang gakudlit
Kun asang dalan atong subayon, apan sanglit
Sa kalisdanan, ako dili manamilit
Dia ra ko imong makablit...
Bugtong niining balak ko mapabuhagay
Kasagmuyo, kaparutan ug mga pagmahay
O inday, pasayloa nalang ko kay dili na magdugay
Matapos na ning akong nahiagumang kalaay...