CEBU, Philippines - Ma babaye o lalaki
Sa relasyon parehas ra swerte swerte
Sa sinugdan hastilang kainit sa dughan.
Magkadugay, may lang gani masangpit pa’ng ngalan
O! Kapu-ol, ka mapintas ba sa kauga nga imong gidala.
Hulagway sa akong kapikas hilabihan nang ngil-ara!
Niadto, mag-istorya pa gani nagtext nang daan.
Karon, ma expire nalang sim card kay di gyud lum-an.
Ani-a ko’y silingan
Sa ginikanan gidid-an nang daan.
Sa pagmahay wala gyuy mag-una.
Apan hilabihan man niyang kabalaka
Kung sa “tren” siya mabiyaan
Busa, sa dali, bulay-ug hinuon iyang naminyuan
Imbis nga kinabuhi mahimong tam-is ug labing
Nadawat niya labhag hinu-on sa aping.
Pagkakita sa bana sa asawa
Dala singka siya nangutana
“Ngano naghilak ka man ning gabhiuna?”
Tubag sa asawa “Wala ka ba mahinumdom?
Gi saad mo kanako ang bulan, bitu-on ug adlaw”
Singka sa bana, “Unya, gilimdan ko ba diay ikaw?”
Hilak sa asawa, “Wala ka man hinuon malimot,
Apan ngano gipakapinan mo ma’g aninipot?”