MANILA, Philippines - Isa umanong alalay ng isang presidentiable ang nagsampa sa Sandiganbayan ng petisyong humihiling na bawiin ang pardon na ipinagkaloob ng pamahalaan kay dating Pangulong Joseph “Erap” Estrada.
Ito ang parunggit ni Estrada sa isang Vir gilio Pascual na nagsampa ng naturang petisyon para ipawalambisa ang presidential pardon na ipinagkaloob sa kanya ni Pangulong Gloria Arroyo noong Oktubre 2007.
Sinabi ni Estrada na isinampa ni Pascual ang petisyon dahil kakandidato rin siyang presidente sa halalan sa 2010.
Hindi pinangalanan ni Estrada ang presidentiable na pinaglilingkuran umano ni Pascual. (Jose Rodel Clapano)