Civil society makikialam sa pagpili ng Ombudsman

Idineklara ng civil society groups sa pangunguna ng Kongreso ng Mamamayang Pilipino (Kompil) na kanilang mahigpit na babantayan ang paghirang sa bagong Ombudsman dahil lubha aniyang sensitibo ang puwesto kung kayat kailangang salaing mabuti ang hihirangin dito.

Ayon kay Chito Gascon, tagapagsalita ng Kompil, kailangang ikonsulta ng Pangulo sa civil society ang itatalagang Ombudsman kaugnay ng pagreretiro ni Ombudsman Aniano Desierto ngayong Agosto.

Ipinaabot na nila sa Pangulo ang pagsusumite ng nominasyon o kandidato sa hihiranging Ombudsman, pero ang isinagot umano ng Pangulo sa Kompil ay ang Judicial Bar and Council ang siyang nagpoproseso sa mga kandidato sa Ombudsman.

Matunog na napipisil ng Malacañang ay si PCGG chairperson Haydee Yorac. (Ulat ni Ely Saludar)