CEBU, Philippines — Pipila ka adlaw sa dili pa ang naka-skedyul nga mga konsyerto ni Nick Carter dinhi sa Pilipinas, gianunsyo ang pagka-kanselar niini.
Ang maong kanselasyon sa konsyerto kay nagagumikan sa "unforeseen circumstances."
Karong Mayo 23 unta ang konsyerto niini sa Waterfront Hotel dinhi sa Dakbayan sa Sugbo, samtang sa Mayo 24 kay sa New Frontier Theater didto sa kaulohan unta ang konsyerto.
Ang maong nakanselar nga konsyerto kay kabahin sa "Who I Am" tour ni Nick nga nasugdan na didto sa pipila ka bahin sa Amerika.
Ang promoter nga Wilbros Live kay nangayo og pasaylo sa fans sa singer ug nanghinaot kini nga dunay mahimong reschedule sa konsyerto.