MANILA, Philippines — Pinatumba ng Gilas Pilipinas ang bisitang Taiwan Mustangs, 74-64, sa sendoff friendly match kahapon sa Phislports Arena sa Pasig City.
Ang nasabing tuneup game ay bahagi ng paghahanda ng Nationals para sa 2024 FIBA Olympic Qualifying Tournament sa Hulyo 2 hanggang 7 sa Latvia.
Nagtayo ang Nationals ng isang 15-point lead, 17-2, galing sa three-point shot ni Dwight Ramos sa 5:01 minuto ng first quarter bago nakalapit ang Mustangs sa 32-34 mula sa basket ni dating PBA guard Rashwan McCarthy sa 3:44 minuto ng second period.
Tinangay ng Gilas ang 37-32 halftime lead hanggang maghulog ng isang 17-7 bomba sa likod ni Justin Brownlee para muling iwanan ang Taiwan sa 54-39 sa 2:48 minuto ng third canto.
Ang basket ni 7-foot-2 Kai Sotto sa huling 2:00 minuto ng fourth quarter ang nagbigay sa Nationals ng 58-44 kalamangan.