CEBU, Philippines — Dunay sayong rehistrasyon alang sa Sunsport Basketball Training Camp sunod bulan nga gitakda sa Hulyo 1-6.
Mahuman kini duha ka adlaw sa dili pa magsugod ang tulo ka semanang clinic sa Hulyo 8.
Ipahigayon matag Lunes ngadto sa Biyernes hangtud sa Hulyo 26, ang training session gi-iskedyul sa alas-9 ngadto sa alas-11 sa buntag didto sa Sacred Heart Center Sports Club sa dalan D. Jakosalem, dakbayan sa Sugbo.
Ang beteranong coach ug tinamod nga skills trainer nga si Jojo Romarate-Teves maoy mopahigayon sa training camp nga abli sa mga baskebolista nga nag-edad og siyete ngadto sa 19 anyos nga gustong makat-on sa ensaktong pamaagi pagduwa og basketbol ug mabaid og maayo ang ilang abilidad.
Ang rehistrasyon nagkantidad g P2,000 apil na niini ang bola sa Sunsport ug jersey.
Kadtong gusto moapil mahimong mokontak ni coach Jojo (0928-8295489) o sa opisina sa Sunsport (345-1015).