CEBU, Philippines — Ang Detroit Pistons mipalagpot sa head coach nilang si Monty Williams human sa makapadisyama nga NBA season diin sila nakahiagum og 28 ka sagunson nga pilde ug mitali lamang og 14 ka daog.
"Decisions like these are difficult to make, and I want to thank Monty for his hard work and dedication," matud pa sa pag-iya sa Pistons nga si Tom Gores sa usa ka opisyal nga pamahayag.
"Coaching has many dynamic challenges that emerge during a season and Monty always handled those with grace. However, after reviewing our performance carefully and assessing our current position as an organization, we will chart a new course moving forward," dugang pa ni Gores. Ang 28 ka sunod-sunod nga pilde sa Pistons sud sa usa ka season maoy labing taas sa kasaysayan sa NBA.
Dugang sa ilang kalbaryo, ang Pistons mitapos sa kinatumyang bahin sa Eastern Conference bitbit ang labing bati nga 14-68 rekord sa miaging season.
Si Williams, nga kanhi coach sa New Orleans Pelicans ug Phoenix Suns, mobiya sa Pistons usa ka tuig human siya mipirma og unom ka tuig nga kontrata nga mibalor og $78.5 million nga maoy labing dako sa kasaysayan sa NBA.
Bisan og gitagak, madawat hinoon gihapon ni Williams ang nahibiling $65 million sa iyang kontrata. (BANAT NEWS)