CEBU, Philippines – Sa ikatulong sunod-sunod nga higayon, ang Cebu Technological University (CTU) mao gihapon ang misakmit sa overall championship sa State Colleges and Universities Athletic Association (SCUAA-7) Regional Games nga natapos kagahapon didto sa Cebu City Sports Center.
Human sa tulo ka adlaw nga kompetisyon, ang CTU miani og 127 ka gold, 81 ka silver ug 52 bronze medals, samtang ang Negros Oriental State University (NORSU) mipahiluna sa ikaduhang dapit sa ilang 100 gold, 59 silver ug 45 bronze medal tally.
Ang Cebu Normal University (CNU) maoy ikatulo sa ilang 31-64-56, samtang ang Bohol Island State University ikaupat nga adunay 30-73-107 ug ang ikalima mao ang Siquijor State College sa ilang 6-4-12 medal tally.
"I would like to express my gratitude to our University President, Dr. Rosein A. Ancheta, Jr., to all CTU sports coordinators, coaches, assistant coaches, trainors, respective campus directors and to the athletes who really played and gave their best for the love of the game, for we would not achieve this feat without their unwavering efforts and support," matud pa ni CTU sports director Nemia Zamora.